သရဲ တစ္ဆေ နတ် အကြောင်း

 
            -သရဲ တစ္ဆေတွေ နဲ့ နတ်တွေ အကြောင်းနည်းနည်းပြောကြည့်မယ်။ သရဲ၊ သဘက် တို့ဆိုတာ အပါယ်လေးဘုံသားထဲက ဒုက္ခရောက်နေတဲ့သူတွေ။ သူတို့ကို ပေတလို့ခေါ်တယ်။ မြန်မာအခေါ် ပြိတ္တာပေါ့။ အဲ့ဒီသူတွေမှာ အစားစားရှိကြတယ်။ ပုံသဏ္ဍာန်အမျိုးမျိုးရှိကြတယ်။ အများအားဖြင့် အကုသိုလ်ကံကြောင့် ဆင်းရဲနေရသူတွေပေ့ါ။ သူတို့ထဲက တစ်ချုိ့မှာ မွေးရာပါ ကမ္မဇိဒ္ဓိလို့ခေါ်တဲ့ ကံအားလျော်စွာဖြစ်တဲ့ တန်ခိုးလေးတွေရှိတတ်တယ်။ တစ်ချို့ကကောင်းကင်ပျံနိုင်တယ်ပေါ့။ ဒါပေမယ့် များများစားစားမဟုတ်လှဘူး။ ဒီလိုပေတ တွေကို ခေါ်ပြီး တစ်ခါတစ်လေ အောက်လမ်းမှော်နည်းတွေသုံးပြီး မျက်လှည့်ပြတတ်တာတွေရှိတတ်တယ်တဲ့။

             -နောက် ဝတ်ဖြူစင်ကြယ်တို့ဘာတို့နဲ့အိပ်မက်လာပေးတတ်တဲ့သူတွေရှိတတ်တယ်။ ဘိုးတော်မဟုတ်တဲ့ သူတွေ နတ်တွေ ဆိုရင် အဲ့ဒါ ဘုမ္မစိုးတွေ၊ ရုက္ခစိုးတွေ။ ရုက္ခစိုးဆိုတာ သစ်ပင်စောင့်နတ်၊ ဘုမ္မစိုးဆိုတာ မြေစောင့် တောင်စောင့် နေရာစောင့်နတ်ပေါ့။ နတ်မျိုးနတ်နွယ်ဝင်မှာ ဒီနတ်တွေအားလုံးဟာ စတုမဟာရာဇ်ဘုံထဲအကျုံးဝင်တယ်။ စတုမဟာရာဇ်ဘုံဟာ မြင့်မိုရ်တောင်အောက် တာဝတိံသာအောက်ကနေ ဟိုးငရဲပြည်အထိအကျုံးဝင်တယ်။ စတုမဟာရာဇ်နတ်မျိုးထဲမှာ နဂါး၊ ဂဠုန်၊ ဘီလူး၊ နောက် ဂန္ဓမ္ဗနတ်လို့ခေါ်တဲ့ အမျိုးတွေ အထိအစားစားရှိတယ်။

            -အထက်နတ်လို့ခေါ်တဲ့သူတွေဆိုတာ တာဝတိံသာတို့ တုသိတာတို့ဖက်က နတ်တွေ။ လူ့ပြည်ဆင်းလာရင် မြေကြီးပေါ်မဆင်းတတ်ဘူး။ ကောင်းကင်ယံကနေ လက်အုပ်ချီတတ်တယ်။ စတုမဟာရာဇ်အနွယ်ဝင် နတ်တွေက လူယောင်ဖန်ဆင်းတတ်တယ်။ ဝတ်ဖြူစင်ကြယ်တွေ ဘာတွေနဲ့လာတတ်တယ်။ အထူးသဖြင့် တောင်စောင့်နတ်၊ ကျောင်းစောင့်နတ်တွေ၊ ရုက္ခစိုးတွေ။ ရုက္ခစိုးဗိမာန်ကို ဘယ်လိုမြင်ရမလဲပေါ့။ ရုက္ခစိုးက သစ်ပင်ပေါ်တက်ထိုင်နေတာမဟုတ်ဘူးဆိုပဲ။ သစ်ပင်ကိုစွဲပြီးဖြစ်တဲ့ ဗိမာန်မှာနေတယ်။ စိတ်စင်ကြယ်လို့ သမာဓိဟာ ဥပစာရသမာဓိအနားရောက်လို့ အဲ့ဒီနိမိတ်ကို ဖြန့်ကြည့်လိုက်ရင် သစ်ပင်တွေအထက်နားမှာ ဗိမာန်အသီးသီးနဲ့ဆိုတာ မိမိသမာဓိမျက်လုံးနဲ့မြင်နိုင်ပါတယ်တဲ့။

 
          -ငရဲပြည်က ငရဲထိန်းတွေဆိုတာ လဲ စတုမဟာရာဇ်နတ်အစားတွေပဲ။ အာဠာဝကတို့ဟာလဲ စတုမဟာရာဇ်ထဲကအစားတွေပဲ။ အတိတ်ကံ ကုသိုလ်ကံအကျိုးပေးခြင်းကွာသလောက် တန်ခိုး အခြွေအရံလဲကွာကြတယ်။ ဟေမဝတ တို့ဟာဆိုရင် စတုမဟာရာဇ်နတ်ဘုံက တောင်စောင့်နတ်ကြီးတွေဖြစ်ပေမယ့် ကဿပဘုရားရှင်လက်ထက်တော်ကသီလပြည့်စုံတဲ့ ရဟန်းမြတ်ဖြစ်ခဲ့တာကြောင့် တန်ခိုးအခြွေအရံကြီးမားပြည့်စုံတယ်။

-နဂါးတွေ ဆိုတာလဲဒီအနွယ်တွေပဲ။ ဒီနဂါးတွေထဲမှာလဲ သူတို့အချင်းချင်း အထိန်းအကွပ်ရှိရတတ်တယ်။ ဒီကောင်တွေထဲမှာလဲဆိုးတဲ့ကောင်တွေရှိလို့ တပ်ထိန်းလို အချင်းချင်း ပြန်အုပ်ချုပ်ရတဲ့သူတွေရှိတယ်တဲ့။

       -တောတွေ တောင်တွေမှာ ကမ္မဌာန်းကျင့်ရင် တောင်စောင့်နတ်တွေနဲ့ခင်တဲ့သူတွေရှိတယ်။ ဥပမာ တောင်တန်းဆရာတော်ကြီးဆိုရင် တောင်စောင့်နတ်မင်းခြောက်ကြိမ်တိတိလာတယ်ဆိုတာကို မှတ်တမ်းပြုထားတယ်။ သစ်ပင်အောက်မှာ ရုက္ခမူဓူတင်ကျင့်ရင် ရုက္ခစိုးနဲ့ခင်လာတတ်တယ်။ ရုက္ခစိုးကစောင့်ရှောက်တတ်တယ်။ မေတ္တာကိုတော့လက်ကိုင်ထားရစမြဲပေါ့လေ။

      -နတ်ထဲမှာ နတ်ဆိုးလဲရှိသလို နတ်ကောင်းလဲရှိတယ်။ နတ်ဆိုးနဲ့နတ်ကောင်း လူဆိုးနဲ့ လူကောင်းလိုပဲ ကွဲပြားတယ်။ နတ်တွေဟာ လူတွေနဲ့ကွာတာက လူတွေမှာလို ဇွဲလုံ့လ၊ သတ္တိ၊ ဝီရိယာ ဆိုတာ နတ်တွေမှာမရှိဘူး။ ဒုက္ခဆိုတာကို မခံရတော့ ပျင်းကြောထူတယ်။ ဒီအချက်ဟာဖြင့် တောင်ကျွန်းသား လူတွေရဲ့ နတ်တွေထက်သာတဲ့အချက်တွေပဲ။ နောက်ပြီး အိဒြေ္တွကိုစောင့်စည်းနိုင်တဲ့ သီလစင်ကြယ်တဲ့ သူတော်မြတ်ဟာ ကာမဂုဏ်ခံစားနေတဲ့ နတ်ပြည်ခြောက်ထပ် နတ်တွေရဲ့ ဦးချခြင်းကိုသာ ခံယူထိုက်တယ်။ သူက ဦးချဖို့မလိုဘူး။ ဒါက နတ်ကိုးကွယ်သူတွေအတွက် သတိပြုချင်စရာပေါ့။

           -မြန်မာပြည်က အကြားအမြင်တို့ ဂမ္ဘီရတို့ဆိုတာ နှစ်မျိုးရှိတယ်။ ဓါတ်ကူနဲ့နတ်ကူလို့ မဟာဗောဓိမြိုင်ဆရာတော်ကဟောတယ်။အခု နတ်ဦးရေထဲမှာ ဓမစကြာသုတ်ဟောတုန်းက အရိယာဖြစ်တဲ့နတ်တွေများတော့ ဗုဒ္ဓဘာသာနတ်တွေများတယ်။ ဒီတော့ ဒီနတ်တွေကို ချိတ်ဆက်ပြီး သူတို့အကူအညီတောင်းလို့ရတယ်။ ဗုဒ္ဓရဲ့ ဂုဏ်တွေကိုပွားရင် ဒီလိုအကြားအမြင်ဆန်ဆန်တွေရလာတတ်တယ်။ ဒါပေမယ့် နတ်တွေနဲ့ဆက်သွယ်ဖို့အတွက် သတ်သတ်လွတ်စားရတတ်တယ။်။ အကြောင်းရင်းက ကိုယ်နံ့ကို သူတို့မခံနိုင်လုိ့...အသားစားရင်။ လယ်တီဆရာတော်ကလဲ ပလိပ်ကာလ ပရိတ်ရွတ်တုန်း အမဲသားမစားဖို့ ပြောဖူးတယ်။ နောက် သီလ လုံရတယ်။ ဗုဒ္ဓဘာသာနတ်တွေဟာ သီလမလုံရင်မကူညီချင်ကြဘူး။

-နောက်တစ်မျိုးကတော့ဓါတ်ကူတဲ့။ ကိုယ့်အစွမ်းနဲ့ကိုယ်ကျင့်တာ။ တစ်လောက ဈာန်တွေအဆက်ဆက်တက်ပုံနဲ့ အနာဂတ်ကို ကြည့်ပုံမှာရှင်းပြပြီးသားမို့မရှင်းပြတော့ဘူး။ အသေးစိတ်လေ့လာလိုရင် ဆရာနန္ဒာသိန်းဇံ၇ဲ့ စိတ်အဆင့်ဆင့်မြင့်တက်ခြင်း ဒဿနိကဗေဒစာတမ်းကို ပြန်လည်လေ့လာနိုင်ပါတယ်။

-နတ်ပြည်ခြောက်ထပ်မှာ လူ့ပြည်နဲ့အနီးဆုံးက နတ်တွေက စတုမဟာရာဇ်နတ်တွေပဲ။ ဘုရားရှင်လက်ထက်တော်မှာတော့ နီးနီးစပ်စပ်လာဖူးတဲ့နတ်တွေမနည်းပါဘူး။ မင်္ဂလသုတ် ဟောဖို့ လာတယ်။ နောက် သိကြားမင်းသေငယ်ဇောနဲ့လန့်တဲ့အချိန် သက္ကပညှသုတ်အတွက်လာတယ်။ ပဉ္စသိက္ခတောင် ဘုရားရှင်ရှေ့ မအောင့်နိုင်မအီးနိုင် သူချစ်တဲ့ နတ်ပျိုမယ်လေးကို ချစ်တေးသီလိုက်သေးတယ်။ နောက် မာရ်နတ်လာတယ်။ ပရိနိဗ္ဗာန်ပြုဖို့လာလျှောက်တာ။ နောက် အနာထပိဏ်အိမ်က တံခါးစောင့်နတ်။ နောက် မောင်နန္ဒလို့ခေါ်တဲ့ နဂါးက ရဟန်းသိပ်ဖြစ်ချင်လို့ လူယောင်ဖန်ဆင်းပြီးနေတယ်။ တစ်ရက်အိပ်ပျော်နေတုန်း နဂါးအသွင်ပေါ်လို့ နှင်လိုက်ရတယ်။ ဒီကတည်းက ရဟန်းပြုမယ်ဆိုရင် လူစစ်စစ် လားမေးရတယ်။

-မိုးကုတ်ဆရာတော်၊ နောက် မောင်းထောင်ဆရာတော်တို့ ပျံတော်မူခါနီး ညဖက်တွ ခဏခဏ အလင်းရောင်တွေ ကောင်းကင်က လာတတ်တယ်။ စွန်းလွန်းဆရာတော်ပေါက်မြောက်တဲ့ညမှာ သူ့အောက်စတုမဟာရာဇ်နတ်မင်းလေးပါး နဲ့ သိကြားမင်း လာရှိခိုးတယ်လို့ မှတ်တမ်းတွေ့ဖူးတယ်။ မဟာစည်ဆရာတော်နဲ့ကျတော့ နိမ္မာနရတိနတ်ပြည်က နတ်မင်း အမေးအဖြေမှတ်တမ်းရှိတယ်။ မဟာစည်ဆရာတော်နဲ့က ဆဌသင်္ဂါယနာမတင်ခင်လေးတင်မှာ။ တော်တန်းသာသနာပြုဆရာတော်ကြီးကတော့ သူသီတင်းသုံးတဲ့တောင်လေးဆီကို ဂေါ်ရခါးအဖိုးကြီးပုံစံနဲ့ လူတစ်ယောက်လာတတ်တယ်။ ဆင်းသွားရင် တောင်ဆင်းလမ်းတစ်လျှောက်လုံးအင်မတန်လင်းထိန်တဲ့အလင်းရောင်ကြီးကို ပြသွားတတ်တယ်လို့ ဆိုတယ်။ တောင်စောင့်နတ်ကြီးပေါ့လေ။ 

        သီဟိုဠ်ခေတ်မှာ ဖုဿဒေဝမထေရ် စေတီကိုသန့်ရှင်း တရားအားထုတ်တာ မာရ်နတ်လာတယ်။ နှောင့်ယှက်တယ်။ နောက် ရဟန်းက မာရ်နတ်လားလို့မေးတော့ ထင်ချင်သလိုထင်လို့ဖြေတယ်။ တစ်ကယ်လားလို့မေးတော့ ဟုတ်တယ်လို့ဖြေတယ်။ မာရ်နတ်က မလိမ်ဘူးနော်။ နောက် ဘုရားအသွင်ဖန်ဆင်းပြခိုင်းတော့ အလွန်သပ္ပါယ်လို့ နှလုံးသွင်းနေကျ ဗုဒ္ဓါနုဿတိကို နှလုံးသွင်းပြီး ရဟန်းတရားပေါက်တယ်။ လက်ရှိ ဗန်းမော်ဆရာတော်ဆီကျတော့ ရုက္ခစိုးတွေလာတယ်လို့ ဆိုတယ်။ မျက်နှာတွေက မျက်နှာကျက်တစ်ခုလုံးအပြည့်လောက်ရှိတယ်လို့ပြောတယ်။ ဆရာတော်က ပဌာန်းသိပ်ရွတ်တယ်။ အစပိုင်းမထူးပါဘူး။ နောက်ပိုင်း နတ်တွေ လာခါနီးရင် သိပ်မွှေးပျံ့လာပြီး ပန်းမှုန်လို အမှုန်လေးတွေ တဖွဲ့ဖွဲကျလာတတ်တယ်လို့ပြောတယ်။ မပြုံးမရယ်ဘဲ ဆ၇ာတော်ကို ကိုယ်ထင်ပြတယ်လို့ပြောဖူးတယ်။ မျက်နှာကြီးတွေက အကြီးကြီးတွေတဲ့။

-ညောင်လွန့်ကိုယ်တော်ကြီး သုဿာန်ဓူတင်ဆောင်တုန်းမှာ သင်္ချိုင်းထဲ ပြိတ္တာတွေ မနည်းတဲ့။ တစ်ချို့က ရိုရိုသေသေနာတတ်တယ်။ တစ်ချို့က ကမြင်းတတ်တယ်။ ငြိမ်ငြိမ်နေဘူး။ စာချနေတဲ့ ရဟန်းသရဲတွေကိုလဲတွေ့ရတတ်တယ်ဆိုပဲ။ သည်းညည်းခံပြီးမေတ္တာပို့ရတတ်တယ်။ သရဲ ဘီလူးး ဘယ်လို နတ်ဆိုးကမှ ဗုဒ္ဓကို လှူထားရင် မဖမ်းစားနိုင်ဘူး။ 

ဒါကြောင့်တရားအားမထုတ်ခင် မိမိခန္ဓာငါးပါးကို မြတ်စွာဘုရားရှင်ထံ ဆက်ကပ်လှူဒါန်းပါတယ်လို့ လုပ်ရတယ်။ မဟုတ်ရင် တရားအားထုတ်နေတုန်း သမာဓိမြင့်လာလေလေ ရှေးက သိုက်ဆက်ထဲက လူတွေက ကိုယ်ပါဝါမြင့်လာရင် ခေါ်ခိုင်းမှာ နှိပ်စက်မှာစိုးလို့ လာနှောက်ယှက်တတ်တယ်။ အနီးနားက ကိုယ်နဲ့မဆိုင်တဲ့ သိုက်စောင့်တွေကလဲ ကိုယ့်ပါဝါမြင့်လာရင် သူတို့ဆီက ပစ္စည်းတောင်းမှာစိုးလို့ လာလာကြပ်တတ်တယ်။ ကပ်စေးနှဲလို့မှ သိုက်စောင့်ဖြစ်နေတာဟုတ်တယ်မလား။ ဒါကြောင့် မေတ္တာပွားထားရတယ်။ ဘုရားကို မိမိ စိတ်ရောကိုယ်ပါ အပ်နှံထားရတယ်လို့ ဆိုတယ်။

ဘာမှတော့မဟုတ်ပါဘူး။ နတ်တွေ သရဲတွေအကြောင်းနည်းနည်းပါးပါးပါ။ ရေးစရာကတော့ အများကြီးကျန်ပါသေးတယ်။ ပေတဝတ္တုဆို အများကြီးပါတာပေါ့။